तपासी अंमलदार यास तपास करण्यास एखाद्या दुःखापतीच्या गुन्ह्या बाबत कळवीले असल्यास त्याने खालील प्रमाणे कार्यवाही करावी..

CCTNS FIR + तोंडी रिपोर्ट + MLC इत्यादी इतर कागदपत्र ताब्यात घ्यावे :-

• तोंडी रिपोर्ट ताब्यात घेवुन वाचावी/समजुन घ्यावी/घडलेल्या परीस्तिथीचे आकलन करावे.
• पुरावे काय गोळा करावेत याची यादी करावी.
• (सामान्यताः फिर्याद, MLC, Injury Report, बयान, जप्ती, CA रिपोर्ट, Weapon Query रिपोर्ट,  )
• दुःखापतीचा गुन्हा घडल्यास आत्ता लगेच काय करावे व नंतर पुढील तपासात काय करावे याची रुपरेशा आखावी.
• आरोपी जखमी असलेस ज्या पो. कॉन्स्टेबल सोबत पाठविणेत आले त्याची नोंद स्टेशनडायरी अंमलदार कडुन घ्यावी.
• फिर्यादीने काही पुरावे स्टेशन डायरी अंमलदार कडे दिले असल्यास ते ताब्यात घ्यावेत.
• जखमी असल्यास MLC चे कागदपत्र ताब्यात घ्यावेत. (स्टेशन डायरी अंमलदार कडुन/वैद्याकीय अधिकारी कडुन/ जखमी कडुन).
• गुन्हा दाखल केल्या नंतर वर्दी रिपोर्टची प्रत कोर्टात पाठविन्यात आली याची पडताळनी करावी.

वैद्यकीय प्रमाणपत्र :- (MLC)

• जखमीचे वैद्यकीय प्रमाणपत्र मागवून घेण्यात यावेत.
• त्यात जखमांचे स्वरुप गंभीर आहे काय ? याची खात्री करावी.
• मोठी दुःखापत झाली असल्यास मेडीकल ऑफिसर यांचे कडून खुलासा करुन घेण्यात यावा.
• (IPC कलम 320 :- जखम भरण्यासाठी 20 दिवसापेक्षा जास्त कालावधी लागतो किंवा कसे?)
• डॉक्टर कडुन Injury Report घ्यावा.
• शस्त्र जप्त केले असल्यास दुखापत त्यानेच झाली किवा कसे या बाबत, शस्त्र पडताळनी (Weapon Query) करावी.
• डॉक्टर कडुन शस्त्र पडताळनी (Weapon Query) चा रिपोर्ट प्रप्त करावा.

पुरवनी बयान :-

• फिर्यादीने फिर्यादीत बऱ्याच व महत्वाच्या बाबी कुठल्याही कारनाने नाही सांगीतल्या असतील तर त्या पुरवनी बयानात लिहुन रेकार्ड वर घ्याव्यात.
• फिर्यादीचे पुरवनी बयान घेतांना आवश्यकतेनुसार दुभाषी वापरण्यात यावा.
• फिर्यादी पुरवणी बयान देत असल्यास सही घ्यावी, 
  इतर साक्षीदारांचे पुरवनी बयानावर सही घेवु नये.

पंचनामा :-

• पंचनामा करतांना सराईत पंच घेण्यात येवू नयेत.
• गुन्हेगारी पार्श्वभूमी असणारे पंच वापरण्यात येवू नयेत.
• पंचाचे व साक्षीदारांचे पुर्ण नांव, पत्ता, फोन नंबर घेण्यात यावेत.
• पंचनामा करतांना गरज असल्यास दुभाषी वापरण्यात यावा.
• घटनास्थळाचे निरीक्षण करतांना पंचासमक्ष घडयाळयाच्या काटयाच्या दिशेने अथवा विरुध्द दिशेने करुन तपशीलवार पंचनामा करण्यात यावे.
• पंचनामा / जबाब वाचून दाखवून स्वाक्षरी घेण्यात यावी.

जप्ती :-

• जखमीचे अंगावरील कपडे जप्त करण्यात यावेत.
• जप्त केलेल्या वस्तुचा जप्ती पंचनामा तयार करण्यात यावा.
• जखमीचे अंगावरील कपडयावरुन धारदार शस्त्राने जखम झाली अगर कसे याबाबत सविस्तर पंचनाम्यात वर्णन करण्यात यावे.
• जप्त केलेल्या वस्तू कोणत्या ठिकाणाहून जप्त करण्यात आल्या हे तपशीलवार, सुसंगतपणे पंचनाम्यात लिहण्यात यावे.

निवेदन पंचनामा :- (आवश्यकते नुसार)

• अटक आरोपी हा गुन्ह्यातील माल/शस्त्र काढून देत असेल तर तो भारतीय पुरावा कायदा कलम 27 प्रमाणे निवेदन पंचनामा करुन माल/शस्त्र जप्त करुन ताब्यात घ्यावे.
• निवेदन पंचनामा करतांना प्रत्येक वस्तू एकत्रित सील न करता वेगवेगळी सिलबंद करण्यात यावी.

बयान :-

• समक्ष पाहणारे साक्षीदारांचे जबाब घेण्यात यावे.
• ऐकीव बयान टाळावे. (काहीच उपाय नसेल तर घ्यावेत. तपासास दिशा मिळु शकते.)
• बयानात इतर साक्षिदारांची नावे घ्यावीत, (नविन साक्षिदार माहीती होतात.)
• सर्व साक्षिदारांचे बयानात घडलेल्या घटना/तारीख/वेळ/घटनास्थळ/शस्त्र या बाबत एकरुपता असावी.

कारणशोध :- (प्रत्येक तपासी अंमलदारने छोट्या भांडणात कारनांचा शोध घ्यावा, यामुळे बऱ्याच गोष्टींचा उलघडा होवुन नविन पुरावे समोर येतात. तसेच होवु घातलेल्या मोठ्या गुन्ह्यास वेळीच आळा घलता येते)

• जमिनीचे वा घराचे कारणावरुन सदरचा गुन्हा घडला आहे का? याबाबतचे पुरावे मिळवावे.
• अशा कारणाने गुन्हा घडला असल्यास त्यात पुर्वीचे अर्ज, तक्रारी होत्या का याची खात्री करावी.
• पुर्वीच्या तक्रारी असल्यास त्याचे उतरे तपासाचे कागदपत्रात सामील करावेत.

प्रतिबंधात्मक कार्यवाही :-

• गुन्ह्यापुर्वी प्रतिबंधक कारवाई करणेत आली असल्यास ते पुरावे हस्तगत करावेत.
• पुर्वी प्रतिबंधक कारवाई करण्यात आली असल्यास जामीन बॉन्ड रद्द करण्यास रिपोर्ट पाठवावा.